My Memoirs: பாலாறு வடகரை மற்றும் தென்கரை திருத்தலங்கள்

பாலாறு வடகரை மற்றும் தென்கரை திருத்தலங்கள்.(தரிசனநாள்-24.10.2024)

ஒருநாள் தலயாத்திரை

“நால்வரின் பாதையில்”; என்ற ஆன்மீக சுற்றுலா நிறுவனர் திரு. சுரேஷ்பிரியன் அவர்கள், மாதந்தோரும், இறுதிஞாயிற்றுக்கிழமை, பலராலும் நன்கு அறியபடாத, மிக பழமையான, கோவில்களுக்கு அழைத்துசெல்கிறார். இவர் சென்னையில் வசிப்பதால், சென்னை மாநகரை சுற்றியுள்ள கோவில்களே பெரும்பாலும் ஒரு நாள் தலயாத்திரையாக அமைக்கிறார். நம்கோவில்கள் பாதுகாக்கப்படவேண்டும், இளையதலைமுறையினருக்கு இக்கோவில் சிறப்புகள் தெரியப்படுத்த வேண்டும். அர்சகர்கள் பணிதொடர உற்சாகமூட்ட வேண்டும் என்பதே இதன் அடிப்படையான உயர்ந்த நோக்கம்.

இந்த 35வயது இளைஞர் வாரநாட்களில் அலுவலகத்தில் பணிபுரிந்தாலும் இதை ஒரு அறப்பணியாக செய்து வருகிறார். அனைவரையும் அம்மா அய்யா என்று அழைக்கும் போது நாங்கள் பெற்ற மகன் தலயாத்திரை அழைத்து செல்வது போன்ற மகிழ்சியை எனக்கும் என்கணவருக்கும் ஏற்படுத்தும். நாங்கள் சென்னையில் இருக்கும் சமயம் இந்த வாய்ப்பை பயன்படுத்திக்கொள்கிறோம்.

1.குணம்தந்தநாதர் - ஓரக்காட்டுப்பேட்டை.